بِســْـمِ الله الْرَّحْمـَــنْ الْرَّحِیـــم
لا حول ولا قوة الا بالله العلی العظیم
إنا لله وإنا إلیه راجعون
ببالغ الحزن والاسى تلقینا نبأ وفاة خادم الامام الحسین علیه السلام
الشاعر والخطیب الحسینی الحاج ملا عزیز البهرکانی رحمه الله تعالى
بالخامس عشر من شهر ذی القعدة الحرام سنة ١٤٣٨هـ ق فی قضاء القصبه وانتقل الجثمان الی مدینة هندیجان وهذا کان مؤلم لان هو ابن الگصبه وکان یعشقها وللاسف لم یُدفن فیها وهو ارتحل وتوفی بها لکن عمومته مهجّرین الحرب ویسکنون هندیجان فصار تشییعهُ هناک وشُیّع بتشیعاً جماهیری من مُحبیه وعمومة والخطباء والعلماء والشعراء
ومنهم:
امام جمعة القصبه الشیخ المحمدی
والخطیب الشهیر شیخ صالح الفرحانی
والشاعر الادیب سید علوان الخمیسی
و الشاعر محمد بن هوشنگ النصّاری
والشاعر سعید العیدانی
والشاعر الخطیب ملا علی الجعفری
والشاعر محمد سعید الربیعی
والشاعر جعفر عبدالمهدی العبادی
و الکثیر من الشعراء والخطباء حضروا وانشدوا الابیات فی حقهِ رحمهُ الله
بعض الذی قالوا فیه:
الخطیب والشاعر سید طالب السید عبود ورثاهُ بقصیدیةٌ ابکی بها الجمع الحاضر وقال: فی رثآء الخطیب الحسینی الراحل مله عزیز البهرکانی رحمة الله علیه
مـن سابـــج علینه البین چان ایـدوّر الحِیّه
ویرمینه ابـســهم میشوم وماتنعد مرامیّه
رمانی ابفرگتک هالیوم و ضاگت دنیتی اعلیّه
یبواسعود الــدهـر غـــدّار طگنی وعابت الریّه
خبرمـیشوم اجانی الیوم واصفج گمت بیدیّه
حس منبرک یبچی اعلیک وصارت بالسلف عیّه
واخوتک تنــحب الفـرگاک وکتبک و الحسینیّه
نسمــعها القصــیده اعلیـک تنشد و الابــوذیه
وتنـوح الخاطـبتـها ابصوغ شعرک وابقوافیّه
وتکلّـــمــها ابلـسان الشوگ وبضامــرک حـِنیّه
بیــها الیــوم ارید انعـاک ومنها اقرالک اشویّه
احبـچ یاعــــروس الشط یم بسمات سحریّه
احبّــچ واعـــشگ اترابــچ واحب الطیـن والمیّه
احب الــنهــر والــنـــاعور احب گصبچ وبردیّه
واحب امضــایف الچانـت ابسعف النخل مبنیّه
احـب اقــراها لـک مـرات لاچن حیـــــل مابیّه
علی السانی یضل طرواک و اسچب دمع لیلیّه
حزّنـت الّســـلف یهدیــــب وسال الدمع جاریّه
هـای الاهـل کلها ابنوح وتتـذکرک یومـیّه
یــاذاک الزمـان الفـات هل دمعی اعــلیَ طاریّه
یاوســـفــه والـف یاحیــف راح اوراح ماضیّه
مـن جـانه الخـبر حسّیـــت چبدی ابجمر مچویّه
وصحت حگه الدلیل ابحزن لاون
لأن لــچــلای هـــــل آهات لاون
عفتـنی وراح ادیـــر الوجه لاوین
یــمـن فرگـاک شــب نـیـران بیه
سیدطالب السیدعبود الموسوی
**************/*
فی رثاء الخطیب مله عزیز البحرکانی ابوسعود
ولی الشرف انا کنا جیرانهم فی زمن الصبا
حزنی امن الدلیل الیوم ولجل الراح همی ایزید
وسفه عله ثایة هلی کلیوم ینفگد منهه اعجید
ابوسعود امن اشیوخ الشعر وللخطابه اعمید
وخلاهه اتون دار الطیبه
للشاعر جاسم عباس بدر الثامری
************/*
فی رثاء الراحل مله عزیز البهرکانی
حــــزن شــط العـــرب لجلک بجـــروفه وشــــواطیه
واعـــیون النـــخل تــــنحب وتجـــرحسره ابنــــعاویه
الهسـه ایرددابصـوتک احبچ یا عروس الشط یم بسمات سحریه
ویحن لــــفراگــــک یاهیــــبه
للشاعر ابوجعفر الفیصلی
**********//*
راح امن الوطن عملاق عزیزالبهرکانی او شال
حزنت کل اهالیته و اشعلت النیران بالدلال
یربی های مو یومه خلیت الدمع دم سال
حزنانه الگصبه اعله افراگه
للشاعر حاتم خلیل العبادی
************/**
وارجوا العذر بعد توجد کثیر اشعار الذی لم تصل الیه فنقول انا لله وانا الیه راجعون ورحمهُ الله
حشّمت عدنان کل شبانهه
زلزلو طف کربله ومیدانهه
**********
نزلو الحـومه طـبگ کلهم اسود
شافو اجیوش العده وجمع الحشود
سلّـواسیوف المنایه امن الغمود
وطبو الحومه اشعلو نیرانهه
***********
ابوالیمه ایشاهد الموقف یشوف
اشلون ابوفاضل لکدهه اعلا الصفوف
هلهلتله ارماح وسهام اسیوف
وارعب اگلوب العده وفرسانهه
********
صاح حیهم یاهله ابطودالرجال
یاهله ابعباس حی اعلا القتال
الیوم ذکّــرهم ابحیدربلنزال
حگها زینب تفخرابخـّوانـهه
**********
ومن برز لکبر علی شبه الرسول
ابساحة المطرادضل بیهم یجول
اتصـّورته الگوم چن حیدر یصول
جمـّد اگلـوب العده وشجعانهه
**********
ایصدله ابوالیمه وعلیه گلبه یلوع
ایشوف الکبر غاص مابین الجموع
چن اسد یفتــر یهد ابلا خضوع
وشبهه نیران الوغه ابعدوانهه
**********
وبعد شاف حسین مابین الخیام
بدر یزهـر چنـه وابلیله التمام
گله اریدالحـگ یعمی اویلعمام
تدری ما هاب العده وجیمانهه
***************اخذ منه حسین رخصه ومن نزل
هزهز اعروش ال امیه بن البطل
هذه جاسم شــبل حیدرمایچل
ونعــم هاشم هله ابشبانهه
***********
للشاعر ابوجعفرالفیصلی