عروس الشط

اول موقع للقصبة الفیحاء

عروس الشط

اول موقع للقصبة الفیحاء

هدف الموقع
عروس الشط


سبب تسمیة المدوّنه بعروس الشط قبل الحرب التحمیلی لجمالها کانو یقولون للقصبة عروس البلاد واول قصیده وجدانیه اطلق لها الشاعر الکبیر المرحوم ملا عزیز البهرکانی وقال احبچ یا عروس الشط احب بسماتچ السحریه الی آخر
وأمّا ما معنی و سببت تسمیتها بالقصبه معنی القصبه هو السور أو القلعه وکانت القصبه مدینة آمنه وسورٌ لشیعة المیرالمومنین علیه السلام
حتی هاجروا الیها من جمیع انحاء العالم العربی من العراق ومن البحرین ومن الکویت ومن الحجاز و ....
تقع مدینة القصبة جنوبی جزیرة عبّادان القصبة هی المدینة المواجهه لمدینة الفاو علی ضفة شط العرب الیسری ویبلغ طولها ستة وستون مقاطعة بین کل مقاطعة واُخری نهر ینبع من شط العرب وینتهی بالصحراء وتمتد القصبة من الخزعلیه على شط العرب وحتى نهایة الیابسة امام میاه الخلیج ،تنقسم القصبه علی قسمین شمال وجنوب والقسم الشمالی معروف بالقصبة النصار وهم فی الحقیقة آل نصار بن محمد الدریس ونصار هذا هو شقیق( ناصر بن محمد الکعبی وهو الذی تسلم الحکم من الصغَر )وتعد النصار قبیلة من کبرى قبائل کعب غلب علیهم اسم ابیهم فسموا به وهم الذین اوکل الیهم ( الشیخ سلمان بن سلطان بن ناصر بن محمد الکعبی ) حراسة نصف جزیرة عبادان الشرقیة من المنطقة المعروفة باسم ( قصبة النصار )
والقسم الجنوبی بالقصبة المعَمره الذی تسکن فیها باقی القبائل و کانت صبخه وهم حفروا الانهر وزرعوا النخیل وعمروها فسُمّیت بالقصبة المعمّره ویقال لها گصبة الفیحاء لکثرة النخیل فیها الذی دمره الحرب التحمیلی والمفروض ویقال لها باب النجف وکربلاء الثانیه لکثرة علماء و خطباء وشعراء اهل البیت علیهم السلام الذی فیها و حتی الاطفال یحفضون اشعار المراثی والمدائح لاهل البیت علیهم السلام
ان شاء الله راح اخلّی کل ادبها و علماءها وشعرائها و حسینیاتها وعن اّناسهه الطیبن عادتهم تقالیدهم و مظلومیتها من حیث الاعلام و....
تأریخ تاسیس المدوّنه
2 رمضان 1438 هجری القمری
1396/3/7 هجری الشمسی

کان الشاعر ملا هادی الرمضان  الجاسمی یمر علی المرحوم ملا عزیز البهرکانی فی أیام مرضه و یجلسون علی تخت فی البیت وکت أن أراد الخروج بقت سبحته علی التخت

فقال لهُ  ملا عزیز البهرکانی

یبحرالکدر   بزنودی  سبحتک

یلیلی ابذچر للبارِئ  سبحتک

یهادی اعله التخت تمت سبحتک

ابرضاتک  چان  تنطیها  هدیّه ؟

 

فأجاب علیه مله هادی الجاسمی القصباوی

گلبک بالوفه والطیب سبحه

وربک عل نِعَم کل وکت سبحه

أصابیعک یخی ختصیر سبحه

حتّه تِذکر دوم فاطمة الزچیّه

  • الکاتب والمحقق حفید الگصبه

بالله یا حادی الّذی امشینّه

انرید منک کربلا اتودینّه

انرید منّک بالله یا حادی النجیب

میل ابدربک علی گبر الغریب

مع اخوانه او کل بطل جسمه سلیب

بالله بگبور الاهل دلینــــــّــــــــه

بالله بگبور الاهل دلی الحرم

خل تزور اخوانها او تشچی لَهُم

مادریتو اشصار یا اهل الشیم

 یسرونه الگوم و مچتفینّه

چتفونه من بعد حرگ الخیام

سلبونه او روعو کل الیتام

والعلیل امگیدَا او بین اللاّم

وحنه بس نسوه العده إماذینّه

الیوم جینه امن السبی اوذله او هظم

اربعین الیوم بالنوح او لطم

یا اهلنه امن العده شفنه الظلم

چم بلد بعیاد متلگینـــّـــــــه

یا اخوتی من خذونه امیسرین

کوفه و الشامات کلها امعیدین

وحنه والاطفال نبچی امهبطین

ما احد عدنه بعد یحمینـــّــــــــه

لا محامی او لا بعد عدنه کفیل

وحنه بس نسوان واطفال وعلیل

جینه مهظومات والمدمع یسیل

گوم یبن امی الشهم حاچینّه

احچی ویانه او علی رد الجواب

انته والعباس خویه او کل شباب

هایرمله او های لیله والرباب

آیهلنه عدمن امخلینّه

یا اهلنه اعیالکم تبچی او تنوح

للمدینه اشلون اعوفنکم و روح

گلبی گاضی امن الهظایم و الجروح

للوطن نرجع اسف بونینّه

للوطن نرجع یهل بیت العلم

 بس حرم ویتام ماعدنه زلم

راحت ابدور الزواهر و النجم

آه وسفه و الهظم غافینّه

 

للشاعر المرحوم ملا صالح العبادی

  • الکاتب والمحقق حفید الگصبه
دلینی اعله گبر احسین یبن احسین دلینی
عمّه یا بعد عمتک یم الگبر ودینی
فارگته عله التربان یومٍ سافرت عنّه
عدوی مارحم حالی او ما خلانی اودعنه
ارید اوصل لعد گبره او عن الصار اخبرنّه
وگلّه زینب آنه اختک خویه احسین حاچینی
حاچینی ینور العین فارگتک علی التربان
من غصبن یبن اُمی ترانی ابولیة العدوان
ادری یا بعد روحی انته اتعفّرت عطشان
جیت الیوم ازورنّـک وسجیک ابدمع عینی
عینی اشما تهل ادموع لیل انهار ابد مانام
ویّای الحرم وعلیل خویه احسین والایتام
ما یحتاج اخبرنّـک های احنه سبایه الشام
یا ذل او هظم یا یا ضیم منّه زاید اونینی
تدری اختک یخوها احسین یا ذل او هظم شافت
یبن اُمی ابطریق الشام طفله امن الظعن طاحت
او وحده بالخرابه اهناک یِمّی شهگت او ماتت
شحچیلک بعد یحسین ثوب الحزن چاسینی
چاسینی الحزن یا حیف زینب فاجده الاخوه
شحچیلک بعد یحسین اروح الکم الف فدوه
های الحرم والایتام  وآنه انخه فرد نخوه
تگل عباس لو جسّم لو لکبر یسلینی
یسلینی او یصبرنی ترانی اهموم ملیانه
جینه انزورکم یحسین ما واحد تلگانه
آنه اختک ربیت اویاک در واحد الغذّانه
یبن امّی او ابوی اشلون بالذله تخلینی
تخلینی او تصد عنی اشلون الگاع ضمّتک
آنه اللی ربیت اویاک زینب های آنه اختک
اُمک فاطمه او اُمی  ربّتنی او ربّتک
هیبتنه الذی چانت تباریک او تبارینی
اتبارینی یخویه احسین انته البیک رفعت راس
چان اتعذرت منّی دلینی ابگبر عباس
گللها ابلسان الحال زینب ذاک ابوالنوماس
یم العلگمی گبره احزام الظهر ویمنی
گامت زینب ابعبره  اتشم اگبور ولیاها
ازیارت اربعین الیوم ما واحد تلگاها
وصلت یم گبر عباس والنسوان ویاها
صاحت  یا چفیلی اشلون خویه الظیم ماذینی
ماذینی الهظم والظیم جاوب یختی اشبیدی
او لن رمله تصیح ابصوت یا عریس یولیدی
یمدلل یبعد الروح لَنصب چاینه ابعیدی
ربیّت او سهرت اللیل أتأمل تجازینی
برباتک سهرت اللیل یولیدی او تعبت اعلیک
های اُمک علی گبرک های الچانت اتربیک
یوم الاربعین الیوم رمله الوالده اتحاچیک
روحی او یا بعد روحی یبنی او یا بعد عینی
عینی او یا بعد روحی او گلبی اتنام عالغبره
او لن لیله تصیح ابصوت الکبر نعتنی الگبره
وین اللی یساعدنی علیا اولیدی یدگ صدره
اگل للگاع ها یا گاع ویّه الولد طمینی
طمّینی یگاع الیوم ویّهابنی علی الاکبر
بالتربان اعوفه اشلون اطب للدار ما اگدر
لن ام الرضیع اتصیح نوب اونوب تتعتثر
دلونی ابگبر ابنی ترانی البین عامینی
عبدالله الطفل چاوین گبره او صرخت او صرخن
ویّاها الحرم کلهن من گبر الگبر یبچن
ماجت کربلا امن النوح یوم الگامن ایودعن
فوگ اگبور اهالیهن مصایبهم تبچینی
امصایبهم تبچی او بچت کل المحبین
یوم الاربعین الیوم وصلت له خواته احسین
والسجاد والایتام والعیله تهل العین
او سکنه اتگول ابوی احسین للشیعه اموصینی
******/*
للمرحوم ملا صالح العبادی
 
 
  • الکاتب والمحقق حفید الگصبه
فی وداع الحسین ع لقبرجده ووالدته واخیه
ـــــ
راح للزهره العزیز احسینها
عگب ماودع گبر   یاسینها
*****
عگب ما ودع گبر جدّه الرّسول
راح لمّه الطّاهره الزهره  البتول
یابعد روحی عَلَی حزنچ یطول
یا زچیّه  او  جاوبت     بونینها
******
بالگبر حنّت او ونّت           فاطمه
یلولد یبنی  یراعی             الغانمه
اوداعت الله ایساعدک رب  السمه
اعلیه تبچی اتسیل دمعت   عینها
******
ودّع المختار وامّه            المحزنه
او گصدلعضیده اوعلی گبره انحنه
للحسن محزون الحسین      اعتنه
او گال خویه الگوم باعت     دینها
******
جیت اودّعکم واشیل امن  الوطن
آه یا جدی او یزهره او یا    حسن
من بعد کم کثرت اعلینه      الفتن
والعداوه المن گبل             بانینها
******
صاح یا جدّاه وداموعه       تسیل
جیت ازورنکم وودّعکم و     شیل
رجع  للمنزل او آمر          بالرّحیل
والهوادج للنسه             امعدلینها
******
گال للأکبر دروح               العمّتک
گلها گومی اویای تسمع     نخوتک
گالت اونعمین مانی            اذمّتک
عندک امّک یاعلی اصبی      عینها
*****
ردلبوه احسین گلّه ما            اجت
آمر الجاسم او منّه             اتعذّرت
انته عندک والده اعلیک        اتعبت
روح الها اوصیر بین اید          ینها
*****
اجه العمّه او گال چن عمتی   ابأمل
گال ادری اترید عباس           البطل
یبو فاضل گوم روح الها       ابعجل
یا ابن فارس بدر و             حنینها
*******
گام راح الها او یگلها            ابذمّتی
انتی خویه ماشیه               بکفالتی
لا تخافی انچان سیفی         ابیمنتی
ابن ابوچ اوغیرتی             اتعرفینها
******
گالت او نعمین انه                 ابذمّتک
ماشیه امن البیت تحت        احمایتک
واطلب امن الله یسلّم              یمنتک
ابجاه امّی السّگطوها             اجنینها
******
خویه یا عبّاس ویّاک               اطلعت
یا گمر هاشم الی انته                اکفلت
تدری عنّی ابکربلا یومٍ               ضعت
واختک الحرّه العده             امیسرینها
******
للمرحوم ملا صالح العبادی
 
  • الکاتب والمحقق حفید الگصبه
ابتداء نواحی القصبه و یقال لهذی المناطق و الاسماء المنیوحی
1:الخزعلیه    2:ابوعقاب   3: کوت المنیوحی 4:ابوالشکر
   5: ابو غزلان  6:ابو خضراوی  7:دیوان اشلیشات   8:ابودیره
 9: کوت ناصر  10:کوت سلیم  11: نهر العفادله  12: نهر البوحمید
اسماء نهران القصبه الذی تبتدی من انتهاء المنیوحی و تبداء بشمال القصبة الفیحاء
1: نهر الإعراضه  2:نهر النقشه 3: نهر الحوزه (محیسن) 4 :نهر إعگیبات
 5: نهرالمساعدی 6: نهر ابوالدهن  7: نهرسید یوسف  8: نهر کریم
9: نهر ناصر 10:نهر عوج البوصید 11: نهر عوج البوحیّه   12:نهر المسجد
13: نهر إحمیسه 14: نهر أبوالشانگ  15:نهر الإعرازه
 16: نهر الکوت (کوت النصّار) 17: نهر أبو عبود
18: نهرابوصدرین  19: نهر المچری ( مچری النصّار) 20: نهر ابو الفلفل
21: نهر إحمیّد  22:نهر إلسن  23:نهر الرفیّع 24: نهر السعدونی
25: نهر الأزرق 26: نهر إطلیب 27: نهر ابو عظیم 28:نهر العریض
29:نهر الدایر 30:نهر أبوچمبه 31:نهر أبو دگل 32:نهر ابوطرف
33: نهر خلیفه 34:نهر الدرادشه 35: نهر المخزوم 36: نهر المخزوم
37: نهر القصر 38: نهر الحد 39: نهر المچری (مچری المعمره)
40: نهر البلامه  41: نهر علیشیر 42:نهر المعاتیج 43 : نهر نشمی
 44:نهر شنّوف 45:نهر أبو علم  46:نهر ناهی 47:نهر عوفی
 48:نهر حاج محمد  49:نهر الأبتر 50: نهر المچری الثالث أو مچری الجنوبی
51: نهر البچاچره  52:نهر حاج علی 53 :نهر ابو افلوس  54:نهر القاسمیه
55: نهرالقمیجه  56:نهر العوجه (اُم الأنگریز)  57:نهر الصلبه
  • الکاتب والمحقق حفید الگصبه


هو المرحوم ملا صالح بن إخضیر بن ناصر بن عبدالله بن مهدی بن صالح العبادی

من قبیلة عُباده المعروفة اصلها بالیمن وتسکن فی العراق و ایران و تربی فی عائله ولائیه وکریمه

وُلِدالمترجم له فی قضاء القصبة الفیحاء  التابعه لجزیرة عبّادان فی نهر العریض و  وبعدین انتقل الی نهر ابوعظیم و عاش وتربی فی حسینیاتها و تعلم القران تحت ید العلامه جمال الدین العلوی و درس فی حوزة العلامه عبدالعظیم الربیعی وتعلم علی یده فنون الحوزویة و فن الخطابه و أوزان الشعر حتی أصبح خطیبا بلیغا وشاعرا متمکن حتی کانت تدعوه الاذاعة العبّادانیة للشعر والمشاعره

  وبنا له حسینة وشاع صیته  حتی دعوهوا للقرائة فی البصرة والکویت و تربی تحت یدهُ خطباء کثیره من جملتَهُم الشاعر والخطیب ملا عزیز البهرکانی و فی الحرب التحمیلی تهجّر من بلده وبلد أجداده الی مدینة الاعمیدیه وبنا فیها مسکن وحسینه فی حی المجد ( خودیاری) وأللف دواوین شعریه الذی أحَدَهُم لیس لدینا وأحَدَهُم اسمهُ دیوان سعادة الدارین و واحد لم یُطبع حتی الان  وکثیرٌ من اشعاره راحت ادراج الریاح مع الاسف و فی مدینة الاعمیدیه تربی تحت یدیه جمعُ من الخطباء و کانت حسینیة مدرسة لمحبین  آل البیت علیهم السلام  حتی وافتهُ المنیه رحمُ الله فشُیّع بتشیعاً کبیر و حضرته من جمیع الانحاء من العراق والکویت وخلّوا له مجالس تأبینیه فی اکثر البلدان و رُفع له بیرق عباه الی اللیل ولم ینزل احتراما واجلالاً له ُ.

 وقد قرظهُ العلامه میرزا  محمد تقی جمال الدین العلوی:

شعراء الحسین بالله فزتم

بدار الخلود بتلک القصورِ

ذکریات لکم سوف تبقی

 خالدات علی مر العصورِ

شفیعا لکم یوم القیامة حیدر

وفاطمة الزهراء الطهر الطهورِ

صالح قد أتی (آ) بدیوان شعرً

مبدع فی رثاء سبط النبی المنحورِ

و قد قرظهُ الشاعر الخطیب ملا عبدالامیر الکنعانی:

عاشت قریحتک الکریمه انها

جادت بفیضٍ فاض منه الوادی

شعراً به ترثی الحسین وانّهُ

فخراً الی (آ) الاجدادی والاحفادی

نلت المنی فی مدح آل محمّد

حقّا وانک صالحٌ و عبادی

لله درّک فی نظمٍ رثوت به

سبط النبی سلالة الامجادی

قد حزت فخراً فی رثائک سیداً

للمجد قام به رفیع المعادی

ما خاب من خدم الحسین بعفّةٍ

فی الحشر ینجو من لضی(آ) المیعادی

یا سید الاحرار یا رمز الابا

یا طاهر الاباء والاجدادی

ارجو الشفاعته فی القیامة منکم

فی محنتی یابن النبی الهادی

 

 

  • الکاتب والمحقق حفید الگصبه


      وأمّا ما معنی و سببت تسمیتها بالقصبه معنی القصبه هو السور أو القلعه وکانت القصبه مدینة آمنه وسورٌ لشیعة المیرالمومنین علیه السلام

حتی هاجروا الیها من جمیع انحاء العالم العربی  من العراق ومن البحرین ومن الکویت ومن الحجاز والیمن و ....

تقع مدینة القصبة جنوبی جزیرة عبّادان القصبة هی المدینة  المواجهه لمدینة الفاو علی ضفة شط العرب الیسری ویبلغ طولها ستة وستون مقاطعة بین کل مقاطعة واُخری نهر ینبع من شط العرب وینتهی بالصحراء وتمتد القصبة من الخزعلیه على شط العرب وحتى نهایة الیابسة امام میاه الخلیج ،تنقسم القصبه علی قسمین شمال وجنوب والقسم الشمالی معروف بالقصبة النصار وهم فی الحقیقة آل نصار بن محمد الکعبی ونصار هذا هو شقیق( ناصر بن محمد الکعبی وهو الذی تسلم الحکم من الصغَر )وتعد النصار قبیلة من کبرى قبائل کعب غلب علیهم اسم ابیهم فسموا به وهم الذین اوکل الیهم ( الشیخ سلمان بن سلطان بن ناصر بن محمد الکعبی )  حراسة نصف جزیرة عبادان الشرقیة من المنطقة المعروفة باسم ( قصبة النصار )

والقسم الجنوبی بالقصبة المعَمّره الذی تسکن فیها باقی القبائل و کانت صبخه وهم حفروا الأنهر وزرعوا النخیل وعمروها فسُمّیت بالقصبة المعمّره 

 ویقال لها قصبة الفیحاء لکثرة النخیل فیها الذی دمرهُ الحرب التحمیلی والمفروض

ویقال لها باب النجف وکربلاء الثانیه لکثرة علماء کالعلامه الکبیر میرزا احمد جمال الدین العلوی و العلامه میرزا محمد تقی و العلامه عبدالعظیم الربیعی  والعلامه عبدالستار الاسلامی و العلامه میرزا محمد صالح جمال الدین العلوی والعلامه میرزا عبدالمطلب جمال الدین العلوی و خطباء وشعراء اهل البیت علیهم السلام الذی فیها و حتی الاطفال یحفظون اشعار المراثی والمدائح لاهل البیت علیهم السلام فی کل نهر تجد حسینیاتٌ حد الاقل ثلاث ومسجد و هذا یدُل علی (آ) ولائهم الخالص لآل بیت محمد صلواة الله علیهم

  • الکاتب والمحقق حفید الگصبه

 ((وبلغت القلوب الحناجر))

 

وگف نبض الگلوب ابصدر کل مهوال

بوجوه الزلم الوان تتغیر

 

شنهوالصارماندری اشحصل للگوم

ها چنهه الفوارس خایفه وتستر

 

های الزلم چنهه املبده واتخاف

چنه الموت نازل اظن واتصور

 

های الحادثه منقوله بلتاریخ

ابیوم الاحزاب اشصار بلعسکر

 

ابهذاک الیوم ناده وصرخ بین الگوم

وین اهیه الفوارس عمرو من ثغبر

 

وهای الناس سکته وما حصل نبراس

وبس طه یحشم صاعد المنبر

 

یاهو الیبرز العمرو یصیح ابصوت

واضمنله الجنان ویشرب الکوثر

 

ضلت کلهه سکته لن اجاله الصوت

عد عیناک طه وبرز المشکر

 

انه الهه یگله وصاح ابوالحسنین

زمجر بلمعاره امدرعم الهزبر

 

صول راعی الغیره وفزع هادود

وذوالفقاربیده امفرع وغبر

 

تلاگو بلمعاره امگابل الفرسان

بن ود هل الطرف وابهل طرف حیدر

 

یگله ارجع اعرفنک شدیدالباس

ابوطالب صدیقی ودوم بیه افخر

 

ماریدن اچتلک انته بعدک شاب

خل غیرک یجیلی الغیرک اتنطر

 

هزالحیدحیدرمرهفه ابیمناه

چنه الیث مغضب من یهدیزئر

 

انته ارجع یگله ولوتجی ویای

ولو تنزل تحارب کون اطرک طر

 

تلاگوبسیوف وغبره صار الکون

مثل طوفان یمکن ریح گام احمر

 

امکاسر بلرماح وسیف یردم سیف

وابوالحسنین بیهه ایجول ضل یفتر

 

ساعه وشاف طه الحید جایب راس

نزل فرحان سـبّح لله وکبر

 

للشاعر المهوال ابوجعفرالفیصلی

 

  • الکاتب والمحقق حفید الگصبه
طبع بینه الوفه ما نعرف نخون
ولا ندور مصالح وی الاحباب
احنه الطیب کله وچفنه ماعون
نوفی وما نزل وی احله الاصحاب
انظحی للصدیق الگلبه شفاف
ومن یجبل علینه صدورنه الباب
یا محله النخل بحجار ضربوه
ومن یغضب یشمر احله الارطاب
مثل مای الفرات نظل شکر دوم
ولابینه رذیل وطبعه ینعاب
احنه اهل العرب للنخوه والزود
اذا ینصاب الشهم  الگصبه تنصاب
نغم نبقه وعشگ ویه الیحبون
ومر حنظل اذا مر بینه (وهاب)
 
عبدالودود زعلان طویرش القصباوی المهجّر لقطر
  • الکاتب والمحقق حفید الگصبه

ابوذیات عشره{ علی الحگ، وعبره،ویهلاک، ونامن،بشاره ، خلافه،فرضنا،بیه الم ، وداوی،وآله ،ودرایه}


یمنکس رایت الباطل علئ الحگ

علی العالم ولعارف علی الحگ

گصد سلمان اینادی  علی الحگ

اسلام ابخطر یا حامی الحمیه

*********/**

الک بگلوبنه  حسره وعبره

دروس اجیالنه للحر وعبره

شفیع انه سفینتنه  وعبره

ابیوم الحشر یبن الزچیه

*******/***

یل گضیت العمرناصح ویهلاک

موش  اثنین فد واحد  ویهلاک

خصمک لا تضن غالب ویهلاک

ابسبب اهلک بشربونه المنیه

***********//**

امان  الخو  الأخته  ونامن

بضلاله  چنت  اقفه ونامن

الأخت بلاخو مهیوبه ونامن

اخت عباس لیث الغاضریه

*********/**

اهنی وابارک لکم مولد التقیه ع

من الصادق الا موسى بشاره

اخت الرضا نفس الرضا بشاره

الیگصد  الهه  تگضیله  بشاره

الحاجه وطیب العله التقیه

********///**

امر  اوحئ من الباری خلافه

خلف بعد النبی الهادی خلافه

علی باب العلم لایغ لل خلافه

امأید مذهبه  رب البریه

*******/****

فرض أفرض  إله الباری فرضا

واجب حب علی یشبه فرضا

المحب  الله  إرتضا عنه فرضا

سعد وبتشر بلجنه الهنیه

***********/**

الم وصه من وصیه بیه الم

ارفضو  وگلوبهم   بیه الم

بلسقیفه ابلیسهم بیهم الم

البیعه انکروهه ولوصیه

***********//**

یا روحی زیدى ابحبهم واودی

حبهم  فرض  من  الله  واؤدی

یلى اگصدت حضرتهم واودی

سلامی اعله الطهر خیرالبریه

*********//**

العلم ولفهم عدهم ودرایه

الاه الکون   الهم   ودرایه

للمبعوث اوحه   وده رایه

علی حجه بعد طه اخیه

***********/***

انه حربن لمن حاربه واله

خادم محب لل کرار واله

ربنه لل  لذی والاه واله

علی مولای دنیه واخریه

**********/**

  • الکاتب والمحقق حفید الگصبه