«الیوم اکملت لکم دینکم »
انته بیدک یاعلی اندار الفلک
لون ماشخصک خلیفتهم هلک
انته سیف الله وسهم حتف الزلم
انته هزّام العده الماتنهزم
انته اسمک لغز واعظم طلسم
غیر ابن عمک بشر ما مثلک
انته انته البردّت نار الخلیل
انته ماعندک شبیه ولا جبیل
انته انته التوگف اعله السلسبیل
یاوکیل الباری ربک وکلک
انته لسلیمان حرکت البساط
انته بسم الله یا اربع نقاط
انته یوم الحشر توگف عل صراط
اتگلک النار الی هذا او ذاک الک
*******
للشاعر سید علوان الخمیسی
عجیبه اورود حینه الجوری و الیاس
بعد ما تحله بعیون الیشوفــون
اوبیّاع الورد ما یعرف النـاس
ولا همه الیحبونه و یریـدون
طلــعت انه الغلط من جدمی للراس
یتهمونی ابعشگ وانواع الجنـون
صبحت انه الغصن الوادم الفـاس
شبگه ابحالی و علیه الفاس مسنون
اثاری هل بشر انواع واجناس
جنس طیّب جنس بلوانه مزیـون
یکرهونی لان ما دنگ الـراس
ولا خلی الدمع یلعب بلعیــون
یریــــدونی اذلّن گوم الارجـاس
او یکتبون اعله گبری المات ملعــون
*********
للشاعر سید علوان الخمیسی
اگبلت زینب لخوها اتناشده او تخـفی الشجه
نور عینی یبو الیمه کافلی شو ما اجه
...................................
گال ابو اسکینه یزینب والدمع هل ونحدر
راحت ایمینی او شمالی او گوتی او ظهری انکسر
او جمع شملی او حیلتی او شیّال حملی لو کثر
احزام ظهری راح یختی مایجی گطعی الرجه
.......................
نادته چاوین طایح گال یم المشرعـــه
گالت الواجب یخویه نعتنی له انودعه
لیش ما جبته یروحی للخیام اتنوعه
بلچی انداوی اجروحه او سهم عینه انعالجه
........................
صاح یختی او سال دمعه آل جمعچ للشتات
مایفید اعلاج خویه او لادوه عگب الممات
فضخو الهامه او چفوفه اتگطّعت یم الفرات
غدر دهری ابعمد بیتی اومن اسهامه مانجه
..........................
صاحت او جذبت الحسره والگلب منها التوه
چان راح الی کفلنی راح من عینی الضوه
حیف بالله الگمر من برجه عله الرمضه هوه
کافلی او سور الیتامه غاب وظلم الدّجه
..............................
نادته یا ابو الیّمه انچان ابوفاضل گضه
اشلون ما جبته یخویه للطناب انغمّضه
گال یختی ردت اشیله وعتذرلی او لارضه
او جذب ونّه او فارگ الدنیه او للجنه التجه
..........................
صرخت او نادت یخویه انچان مات ابطیـحـته
وین رمحه او وّین سیفه یاعزیزی او رایته
من اخذ درعه او جوده یبو الیمه او لامته
گوم خویه انشیعه او جسمه ابچفنه ندرجه
................
الشاعر المرحوم الملا صالح العبادی
المصدر دیوان سعادةُ الدارین
حیف یا سیف النبی بحروبه
بالمهنّد هامتک مـضروبه
*******
حیف یا سیف النبی إبّیوم الحرب
راسک ابسیف المرادی ینضرب
کمر وجهک بالدما چی ینحجب
والشمس لجلک غدت محجوبه
*********
یا علی منته الذی تفری الصفوف
إبسیفک اوتسجی العده چوس الحتوف
وإتخضب وجه الارض من دمّ الألوف
اشلون من دمک غدت مخضوبه
**********
اشلون وانتهفارس احنین او بدر
ایفوت دمک عند ابن ملجم هدر
إعیون الاملاک إبحزن فگدک حمر
والتعازی بالسّمه منصوبه
*********
ما تدیر العین لحسین او حسن
إعیئنهم تسچب مثل صب المزن
ما تشوف امخدراتک حوّمن
او من نواعیها الارض مگلوبه
*******
امخدراتک لفت لیک امن الخدر
او چبد زینب لیک یتوجر جمر
یا علی مفگود ویّک الصبر
او مهجتی ابنار الصبر ملهوبه
********
یا علی مخضوب وجهک بالنجیع
او من ونینک بالمهد شاب الرضیع
الف وسفه من عگب عینک نضیع
او تدری بیّه امخدره او محجوبه
*******
لا یزینب مو وکتهه ضیعتچ
عامره کلها عمامچ وخوتچ
ودّعچ عودچ الشبله ضنوتچ
فوگ راسچ رایته منصوبه
******
آه لاچن ضعتی یومٍ الطفوف
شفتی بو فاضل اموزع بالسیوف
الهامه مفضوخه او مگطوعه الچفوف
آه والعین ابسهم مصیوبه
*********
للشاعر العلامه الراحل شیخ عبدالعظیم الربیعی
طالت لیالی الهجر یالمهدی یمته تمر
بغیاب شخصک ترا دنیانه بینه تمر
ناس الحشف سیدی گلنه علیهم تمر
رادونه بمحبتک ننکث عهدنه ونخل
غربیل صار الوکت وبهوده بینه نخل
ویاک نبگه ابد وانموت موتت نخل
ولو جار بینه الوکت ونعیش عیشت کرب
انصیح انته الولی بسما نعدک کرب
یمّار دین النبی یل مهدی وحنه الکرب
وهنیاله کلمن الک لاح ابنظر طرفا
ولّی علینه إعتده بمهندک طرفا
اجذوع یبگا النخل لو ماستر طرفا
بُعدک صعب سیدی ذاب المحب گلبا
وسطول اهل الظلم إبعمق البحر گلبا
اتموت النخل سیدی لو ماتت الگلبا
غرگان بمحبتک غیرک فلا لی ولف
شخص الیعوکس خسر بیکم یمهدی ولف
کومت کرب کل جذع ذاک الیضدکم ولف
ونخیل عمری یبس لا ثمره لا شوکله
کلمن نصدله اجتهد یعمل علی شاکله
الربی آنه ارجعت وابدمعتی شاکله
ودم الشهید السبط بعده یمهدی رطب
ونته طبیب العلل والعلتی محّد رطب
ابگاع الزچیه الشمر چا بعده یاکل رطب
یمته تهز رایتک او للثار یمته تمر
********/**
للشاعر سید موسی السید جابر الموسوی
امّا شـاعرنا فهـو ابو أیاد السّـیدعلوان السید مجید الموسوی الخمیسی
الملقّب بالخمیسـی : ولـد عام 1331شمسـی فی منطقــة القصبة الفیحاء
من ضواحی مدینة عبادان وکما عرفنا عنه أنه انحدر عن سلالة عریقة من السَّادة
النجباء یُعرفون بالسادة القارونیة آل ماجد . ومن اجدادهم المشاهیـر،
السید هاشم التوبلی البحـرانی صاحب کتاب البرهان فی تفسیرالقُرآن
من افضل کتب الشیعة الإمامیة . واما الخمیسـی فهو
لقب لهم من اسم جـدٍ لهم کان نزیلا فی القصبة ، وهو اسم مستعار لهـم
من عرف هذا الأدیب عن کثَبٍ مازجــه وجد فیه أریحّیةً و شمماً یدلان علی نصاعة
الحسب وصحة المنتسب
شاعرنا ناظم الشعر الشعبی وشاعر الشعب،لازم الجمهور والمجتمع لزوم الظّلِ لصاحبه، فاشاطرهم أحزانهم و أفراحهم حیث تجده إن کنت باحثاً فی کل حفلٍ ومهرجان، یعزف علی اوتار شعره فیطرب الجمهور فی الفرح وهو الهزاز علی افنان الکلام إذ شدی وصدح فإذا ذَکَر الأنجم العلویه ومصارع الکرام فی حرکة الحسینیة إستعبر اهل الولاء برثاء أجداده المیامین فیغمرهم فظ تیار الدموع
اُلّف دواوین شعریه کثیرة تجاوزت الستته عشر ، ، جعل منها رسالةً هادفة ترنو إلی الذدود عن الحق، وتأخذ بید الحیاری إلی معالم الطریق والمحجة البیضاء ولا غرو أنها مدرسة شاملة الاطراف فی امور کثیرة خاصة تــؤکد علی الانصهار فی ولاء أهل البیت علیهم السلام
حصلت دواوینه المتکاثره علیتقاریظ جمّت عن أن نحصیها هنا ونکتفی بنقل تقریظین علی دیوانه النبراس علی الطریق أحدهما للأستاذ جواد سعدون زاده والآخر للخطیب اللبیب الشیخ علی الیاسری:
تقریظ الدکتور جواد سعدون زاده:
نظرت للدُر النفیسِ جاء بدیوان الخمیسی
جاء بمدحٍ للرسولِ مدح علیٌ والبتول
وجاء فی مدح التقاة وأهل بیت الطیبات
وإنّ قولی فی الختام الشعر اثمار الکلام
تقریظ الشیخ علی الیاسری:
علوان یابن السادة النجباء حقاً سمـوتَ مراتب العظماءِ
طلت السماء برفعةٍ ومکانةٍ فیها نظمت لسّـیدِ الشهـداءِ
شارکت أنصار الحسین بریشةٍ کالسیفِ بل أمضی علی الأعداء
هو السید عبدالصاحب بن السید ناصر بن السید درویش بن السید ماجد بن السید احمد بن السید علی الریحانی بن السید محفوظ بن السید مرزوق بن السید متروک بن السید خضیر بن السید برکات بن السید عباس بن السید حافظ بن السید مکی بن السید عطیة بن السید اسماعیل بن السید موسی بن السید حسین بن السید معتوق بن السید یوسف و هذه السلسلة الفاخرة والشجرة الزاهرة ینتهی نسبها الى السید ابراهیم المجاب بن السید محمد العابد بن الامام موسى بن جعفر الکاظم (ع) .
ولادته:
ولد المترجم له فی شهر شعبان المبارک شهر الحسین(ع) والعباس (ع) وزین العابدین (ع) والحجة بن الحسن المنتظر (ع) ولهذا سمی بهذا الاسم تبرکاً باسم من ولد بهذا الشهر الامام صاحب العصر عجل الله تعالى فرجه الشریف. فی سنة ۱۳۵۸ هجریة فی نهر السید یوسف فی مدینة القصبة نشأ وترعرع فیها وتعلم القرآن على ید المرحوم الملا اسحاق التنکسیری فی نهرابی طرف و تعلم الکتابة على ید المرحوم الملا علی الملا حسین وثم تعلم القراءة الحسینیة علی ید أخیه المرحوم الشاب السید عجلان السید ناصر المتوفی فی ۲۰ ذی القعده الحرام سنة ۱۳۷۰ هجریة و بعدها لزم القراءة على ید الاستاذ الخطیب الحاج السید وهب السید هاشم و بعدها على ید الخطیب البارع الحاج الشیخ نور الملا محمد آل زید الدین فی مجلس العلامة الفاضل الحاج السید میرزا احمد جمال الدین العلوی المتوفى سنة ۱۳۹۷ هجریة وبعدها انفرد بنفسه وله عدة مجالس فی القصبة وفی عبادان والکویت وکان هو خطیب حسینة السید میرزا احمد العلوی.
اسفاره:
زار الامام الحسین(ع) مع زیارة ابیه أمیر المؤمنین (ع) وأخیه ابی الفضل العباس وابنائه الائمة الطاهرین فی العراق ۱۲ مرة (اثنا عشر مرة) وزار زینب الکبرى(ع) فی الشام مرتین وحجّ بیت الله الحرام ثلاث مرات.
مسکنه
فأنه قد انجلى عن القصبه التی کان یسکنها هو و آبائه واجداده وبها املاکهم الى الآن حینما قامت الحرب اوزارها ما بین العراق و ایران واکلت نارها الأخضر والیابس فأطفأها الله بمنه وکرمه من بعد ثمان سنین، فأناخ رحل الریحانی الی الکوره من ضواحی معشور وارتحل فیها .و له حسینیه مسماة بالحسینیة الفاطمیة عامرة بقراءة الحسین(ع) ایام عاشوراء وصفر و شهر رمضان المبارک وجمیع المناسبات.
اشعاره و مؤلفاته :
اتخذ الشعر الحسینی و عمره اربعة عشر سنة وهو کثیر الشعر وله مؤلفاته العدیدة فی سنة ۱۳۷۳ طبع له دیوان صغیر مع الخطیب حبیب محمود اعلیان من هل المخراق العراق فی النجف
وفی سنة ۱۳۷۶ هجریة طبع له کتاب فی مطبعة خمیسی عبادان مواکب وأبوذیات وهوسات
و فی سنة ۱۳۷۷ هجریة طبعت له الروضة الصاحبیة فی عبادان
وفی سنة ۱۳۸۱ هجریة طبعت له الروضة الریحانیة فی النجف الاشرف
و فی سنة ۱۳۸۲ هجریة طبعت له النفثات الریحانیة فی المطبعة الحیدریة فی النجف الاشرف
و فی سنة ۱۳۸۵ هجریة طبعت له فی النجف الاشرف الروضة الریاحیة الجزء الثانی ودیوان دمعة الحبیب فی مصاب الغریب
وطبعت له بقیة الدواوین فی بلدة قم المقدسة العربات المنبریة ودیوان الریاحی والابوذیات الریحانیة وروضة الصاحب طبعت فی الکویت وفی قم و شعاع المنبر وبرکان الصاحب والدموع الساکبات والثمرا وهی اللمعات الصاحبیة والشذرات الصاحبیة والریحانیات الحسینیة والنفحات الریحانیة و(سلوة المحبین) و (لوعة الأسى) وقد اجمع رأیه على جمع هذه الدواوین المذکورة ان یجعلها فی عدة مجلدات ویسمیها بالموسوعة الریحانیة بما فیها من التنسیقات والزیادات الامة والله المسدد والمعین وهو ولی التوفیقأ
وفی کلمة الختام اسئل الله تعالى أن یرحم شاعرنا الموهوب شاعر هل البیت لهذه الخدمة الدینیة الحسینیة المرضیة انه سمیع المجیب الدعاء والحمد لله رب العالمین وصلى الله على محمد و آله الطاهرین
*احبچ یاعروس الشط*
*القصیده تحتوی علی تسعین بیت*
*نبذه مختصره عن الگصبة الفیحاء*
*بقلم جعفر عبدالمهدی العبادی*
ها یگصبه اشلون ضکاچ الزمان
طشراحبابچ او شملچ کل مکان
طشر احبابچ یعـزّتـنه الحرب
کلهه هامت سکنت ادیار الغرب
والخصم عیّد او طگ بیهه طرب
وانتی طمعت بیچ انواع السنان
طمعت انواع السنان العزتچ
نهبوا إمیاهچ او نشفت نخلتچ
ضنّوا اتموتین تسقط هیبتچ
وانتی اُم الأدباء ابکل زمان
انتی ام الأُدبا صوتچ رعید
اُم ابن مذخور عیسانه الشهید
منهو مثلچ بألوِلِد هالگد سعید
یا بلد مثلچ غدت مرفوعه شان
یا بلد مثلچ حوّت عبدالعظیم
شاعر اهل البیت علّامه او فهیم
وانتی احملتی او طلگتی ابهالوسیم
یعجز الوصفچ مدایح کل لسان
یعجز الوصفچ أوصّف یا عَمد
وانتی الأبنچ إجه الخوئی شِهد
میرزا أحمد گولی چم عام إجتهد
رفعی راسچ گولی چم عالِم حِسان
رفعی راسچ واحچی لمحمد تقی
لو مُحمّد صالح البّر النقی
وإبذِکِر ساده الأماجد دققی
هاجروا منچ وکت راح الأمان
هاجروا منچ دگولی إشچم أدیب
وأدری إبچیتی عله افراگ الحبیب
بِشری هم تحیین شمسچ ما تغیب
خل اگلچ عالمضوا واحد وثان
الصالح الملا العبادی أبعث سلام
شاعر اهل البیت فارس بالکلام
مات بعمیدیه راح الهه الوسام
بعد إخبرچ عن نموذج من هذان
ملا عباس الادیب الناصری
لو علی البحرانی شاعر حیدری
وأحچی عن سید علی بی مفخری
و اذکر البحرانی نجم المکیان
واذکر الطود الفخر والچن وتاد
هاشمی اوریحانی ای سید جواد
وإبنه کاظم شاعر اعلیه اعتماد
اوعدنه نور الدین ملا الکرزکان
او سید الموهوب یا عبدالصمد
شاعر او حچّای شنسولف بعد
موسی السید ترا شبل الأسد
شاعر ابن الشاعراو یحوی هتان
هذه ابو موسی الاسد بی وصفیت
جابر السید صالح او عنّه اشحچیت
شعره شامخ لون من عنده قریت
یشبه البرحیّت اهلی او سعمران
وإمحمد السید یشاعر للحسین
یا شهید المنبر ابیوم الثنین
او عمّه المرحوم عجلان الحنین
شعره یُقراء عالمنابر چالأذان
او عن إبو شحچی شسولف دوره
عبدالصاحب السید طفه نوره
او خلّد اوسامه لهالی الکوره
الوعده نرجع، یاوکت، بس کون أتان
یرجع العملاق والیکتب جدید
والأمیر اعله الأبوذیه اوقصید
سید طالب العبود للگصبه عمید
من تهجّر راح وأسکن هندجان
اوملا عمران الخطیب البی فخر
شعره یسطع واحله من نور الگمر
صیته بالعالم یگصبتنه إنتشر
والفخر والصیت راح العبدان
أذکر المهوال شاعرنه إلعلی
هذه ابو جعفر یگصبه الفیصلی
صوته لأهل البیت دایم معتلی
ساکن ابکنگون وأبعد ماهو هان
او سید المحبوب حچّای ارتجال
أعنی علوان الخمیسی ابهالمجال
او عدنه هادی الشمّری شعره زلال
اصفه من مای العذب والزمزمان
واذکُر الاستاد شاعرنه الکبیر
من نطق بشعاره نصفن بی نحیر
یا عروس الشط احبچ بیچ أسیر
شاعر الگصبه عزیز البهرکان
ها، یه أُم شط الکرم مدّه او ثـبُـر
والنخل شامخ او ینطینه التمر
گضّت اهلی اسنین واطوال العمر
عاشت اهلیّه او محلهم بالجنان
عاشت أهلیه فلا بیهم غبی
حطوا إمجالس عله الراحت سبی
أو عالشهیده فاطمه بنت النبی
شعب واحد شیعه مابیهم خیّان
اعتذر والله ثمّ آنه أعتذر
ماجبت کثرة رجال أبهالشعر
جعفرإعبادی حفیدچ یفتخر
دیرت الرئفه او محنّه اویه الحنان
ها یگصبه اشلون ضکاچ الزمان
طشراحبابچ او شملچ کل مکان
خادم خدام العتره ع
جعفر عبدالمهدی العبادی
جَنَّةٌ مِنْ نَخِیلٍ وَ أَعْنٰابٍ تَجْرِی مِنْ تَحْتِهَا اَلْأَنْهٰارُ لَهُ فِیهٰا مِنْ کُلِّ اَلثَّمَرٰاتِ
أتمنه أنام إبحضن ،، أُمی او أغمض جفن
تمسح علیه او تِحن
تعبان یمه إشکثر،، واتلولی همسة صبر
أغفه او أفز الصبح
لا ماکو غیر الصلح
اطلع وارید الوضو
جدامی کُل شی حلو
جدامی نخلت عرب ،، وامدلّی بیهه الرطب
بگبالی جاری النهر
وإبمایه نور الگمر
مای النهر چن عسل،، تتوضه کل الأهل
جیرانی تفتح کلام
قیلاً سلاماً سلام
جیرانی دُر او ذهب ، لا اعله من کل ذهب
بیهم ازیح التعب
طفلی او طفلهم لعب
واریوگی خبزة عشگ ،، مابیهه ریحت حرگ
ماعدنه ابداً ألم ،،،موکلمن او فد علم
نطلع سویه إبّلم
طول النهر بس ورد ،، عطر الورد من یهد
نستنشقه إنشمه شم
نطلع نصید السمچ
لو بلغزل لو شبچ
واعصیری نگعدسوا،، واسوالف اعله الهوا
یکسر فیای النخل
والگعده فوگ الدغل
یبدی الجمع بالشعر،، نصفن ندش بالفکر
محلاهه گعدة عصر
نسجد إلا الله الشکر
وابلیله هم نجتمع،، إنسولف او نستمع
واسوالف إبلا چذب
تشبه لمای العذب
و اوکاته نسکر ضحک،، لو نقشه هم ما نفک
دیرتنه دیرت کرم،، حتی الغبر من یطب
یصبح شخص محترم
یصبح شخص مهتدی ،،ثوب العگل مرتدی
دیرتنه کشخة وطن
یاوسفه ضکهه الزمن
طشرنه کلمن فرد،، یاربی یمته نِرد
یا رب بحق الکفل
چفی لعندک سئل
للمهدی ربی العجل ،،خاطر أنول الأمل
******
للشاعر جعفر عبدالمهدی العبادی
