ابوذیات،ولجای،شریده،شنهن،عصه،بخاتم،علگا،نزیل،ولهان،وینواها،رماله،سید طالب
لسان حال العقیله (س)
ابدلیلی یاسهام البین ولجای
تهت ماعرف وین الدرب ولجای
ایأشر صوبی صار الراح والجای
اخت عباس ذییییییچ الهاشمیه
****************
لسان حال العقیله (س)
دهر الشوم معروفه شریده
وعمری اخلاف خوانی شریده
ردت حسین یبگالی شریده
لچن منی خذته الغاضریه
*************
لسان حال العقیله (س) تخاطب الامام الحسین (س)
اچبود الحرم خویه العطش شنهن
وعلیه احروب هذا الدهر شنهن
اغدرن بیه اللیالی لیش شنهن
خطایای اللی هیچ ایصیر بیه
*****************
لسان حال العقیله (س) تخاطب الامام الحسین (س)
وحگ ربی الذی للحجر عصه
عجب گلب الخصیم اشلون عصه
حین الشفت بید ایزید عصه
وضرب راسک تمنیت المنیه
**************
سیدی متی ترانا ونراک؟
وحق الدین بارینه بخاتم
قصدی البلصله اتصدق بخاتم
جرحی ذچر ابن فاطم بخاتم
وبس انطر الطلعه المهدویه
*************
(سیدی متی ترانا ونراک؟)
ابغارب شگرتک هل گلب علگا
وطوع امرک اشلون اتریدعلگا
ابیوم الچنت یل موعود علگا
اسمعت بسمک وزادالشوگ بیه
***********
(سیدی متی ترانا ونراک؟)
دلیلی الشوگ یالغایب نزیله
وعیب الجدم عن دربک نزیله
الجبل بمرک یبن فاطم نزیله
وحگ جدک علی حامی الحمیه
***********
(گلی یاعید الاجانی ومابچیت؟)
أعدد بل جروح العثم ولهان
وماهمنى العذل یاصاح ولهان
على شوفة احبابى الگلب ولهان
حچایاهم (ابعیدی) اتعن علیه
************
(عید ودمع)
حرت ونة دلیلی وینونها
اوظعون العتب گلی وینونها
الفرحه ابیوم عیدی وینونها
وهلی متوسده اتراب الوطیه
****************
لسان حال العقیله (س) تخاطب الامام الحسین (س)
دلیلی البین بسهامه رماله
اوجدنه الظیم یبن امی رماله
الطف شبه الجمرصارت رماله
یبوالسجاد وانته اعلی الوطیه
*********
فی حق ام ابیها (س)
البتوله الباری جاعل منقبلها
اوقابل کل موالی منقبلها
الذی یاخذ شهاده منقبلها
یفوت اعلی الصراط بغیراذیه
************
(فی فقد الاحبه)
الدنیه اتعض دلیلی چیفملها
ابأمل تتقاضا منی چیفملها
ال(ونه) على احبابی چیفملها
ذکراهم تشب نیران بیه
************
شیعی وابقی شیعی واموت شیعی وافتخر
علی الخصمک شبیه النار بسعار
اوحبک شرف ما ینباع بسعار
طریق الخالفک یا حید بسعار
لأن مابیه ذمه ولا حمیه
**********
شیعه ونبقی شیعه ونموت شیعه ولنا الفخر
ابدلایل نطگ بس مانطگ عظن
ولانحمل الطبع الذیب عظن
من الشمات لینه انیاب عظن
لچن لا ما نموت ابمهضمیه
************/*
شیعی وابقی شیعی واموت شیعی وافتخر
وحگ اللی بعث للناس یوشع
العلی گلبی من الاشواگ یوشع
البدر صوب النجف یاصاح یوشع
یخجل من وجه حامی الحمیه
**************
(آه منچن یاللیالی)
الهضم من چف زمانی(فله یالی)
وگرز ربعی وحچیهم (فله یالی)
العسر والظیم ضکنی(ف اللیالی)
اشبعد خلن اخلاف اهل الحمیه
**********
شیعی وابقی شیعی واموت شیعی وافتخر
حیدره المعبود للحگ مامره
ابلایه حبه الزاد ابدا" مامره
مثل داحی الباب تنجب مامره
اولابعد یحصل شبیها ابهالحیاة
***********
(وآهٍ لفقدِ أحبّتی)
یگلبی الزم اکتاب الصبر وگراب
علم واتشوف سیف ایصیر وگراب
علی الچانو اعزاز اهوای وگراب
غیر ال(آآه) ماچاره إتّهیّه
*********
سیدطالب السیدعبود الموسوی
