ابوذیات{ یتمانه،لولحتله، بسجبینه،شرسی ، ظهرها، بسچن،یمهم،أمن} سید طالب الموسوی
(لسان حال الشیعة)
وحق اللّی نُبوته یَتَّمانه
ولفظ لَعلیَ المکارم یَتّمانه
ابن ملجم ابسیفه یَتّمانه
ابضربته الراس حمای الحمیه
********
لسان حال العقیله (س) تخاطب الامام الحسن (س)
حزن گلبی اللیالی لولحتله
اعوف اکتاب ظیمی لولحتله
ابونه اتراب گبره لولحتله
بوس امکان خد حامی الحمیه
*************
لسان حال العقیله (س) توصی الامام الحسین (س)
المجد من عالم الذر بسجبینه
ولعد اصل المعالم بسجبینه
یبو السجاد ابونه بسجبینه
حین اتلف چفن حامی الحمیه
***************
لسان حال العقیله (س) تخاطب المولی امیرالمؤمنین (ع)
رسه الهم ابدلیلی وصحت شرسیٰ
اوزمانی جابلی ابفرگاک شرسیٰ
علینه هل لیالی غدت شرسیٰ
عگب شخصک یحمای الحمیه
*************
لسان حال الامام الحسین (س) یخاطب قمرالعشیره (س)
خصمنه احقاد یالکافل ظهرها
وعلی مظلم غده اخلافک ظهرها
دلوح اخیالتک و اعوج ظهرها
اوسوی الماجرا بعلوج امیه
***********
فی فقد الاحبه
ابدلیلی الظیم عگب الاهل بسچن
وصحت یجبال صبری الحزن بسچن
اعیونی اشلون اگلهن بعد بسچن
اورسوم اهلی ابصفنتی اتلوح لیه
***********
لسان حال العقیله (س)
اخوانی اللی انترس بالمجد یمهم
جثث وآنه یسبنی الخصم یمهم
لرض الطف تعالی ابساع یمهم
وشوفی اشلون حال اخت الشفیه
********
لسان حال العقیله (س) تخاطب علی الاکبر(س) لما اتی الیها وقال عمتاه قومی نرید الرحیل من المدینه
یالاکبر گلبی ابشوفتک أمن
ابوک الآمرک یاحید أمن
کفو ماشوف بیک اگصور أمن
گمر عدنانها الملتزم بیه
********
الشاعر سید طالب السید عبود الموسوی
