هوسه للشاعر سید عبدالعطوف الهاشمی

اصلی عربی وبیه افتخرآنی

اگولنها صدگ من گلبی والسانی

وحب الدله والفنجان عنوانی

(سیّد  والمولد  گصباوی)

{الحاج السیدعبدالعطوف الهاشمی}

موال {بسمه، منزهه} للاشعر ابوجعفر الفیصلی

الیــله اَشــرق گمــر وطَــّرالفجــر  بِســّمِه

وثغـــرالنبی هــل وَلدمِن اِنولــد   بَسـَـّمه

سید شبـاب العـَدَن عــالی المجد بَسـِـّمه

مثل الـــبدرمن یشع نــورالحسن مِنـِـزهِــه

جودوکـــُریم وسخی وحسن الخلق مَنـْـــزَهـــه

ما دَنّسه ابدً زلــل مـن الخــطا  اِمْنـَـزِهه

اسما ابوجوده المجد ومن المجد بسمه

ابوجعفر الفیصلی  الفیــــصلی

ابوذیات{مه لک،لونته،حضرت،عطّب،بلیلی،لجنه،} سید طالب الموسوی

 

اگطعت گلبی یدهرالشوم مه لک

اهلکتنی اشحسبت یابین مه لک

اصبرت واصبر واکابربعد، مه لک

لبو صالح   امناطر   یشع ضیه

**************

یبوصالح  دلیلی اسمع لَوَنتـــــــــــــــــه

ابدموعی الثوب یمعدل لَوَنتـــــــــــــــــه

متی بچفوفک   انشاهد لونتـــــــــــــــــه

وتصیح  ارد  آخذ  ابثار الزچیّــــــــــــــه

*************

یبومحمد    الی   دنیای حضرت

مئاسی  وبالعسر یهدیب حضرت

ابشوگی معتنی یالحسن حضرت

جنابک   والأمل    تعطف  علیه

***********

 

(السیدة زینب الحوراءسلام الله علیها)

 

دخّان  الخیَم   یحسین  عَطَّب

اراضی اطفوها وبدگت عَطَّب

أحس گلبی  یبوالسجاد عَطَّب

اشلون  البُصُر  یبن امی الزچیه

*************

 

(السیدة العقیلة سلام الله علیها)

 

تلج    ویای     یادهری بلیلی

اویدمعه ارجوچ لثیابی بلیلی

اعد  النجم  عگب  اهلی بلیلی

وبنهاری  أون    وانصب عزیه

***********

 

الگلب حگه ابثمار الشوگ لجنه

هوینه   و بالمحبه  ازداد  لجنه

الباری عقد  فوگ العرش  لجنه

المیلاد   الحسن  راعی  الحمیه

*********

للشاعر الخطیب سیدطالب السیدعبود الموسوی

 

 

 

 

 

هات{ وجهه،یاجهه،واجهه} للشاعر عبدالهادی الشمری

 

ابیــــا طرف جبلة جبینک وجهه

وجـــــهی مدیور الجبلتک وجهه

مطــــفی بردک نار گلبی وجهه

دوی بردک طفی نار الداویــــات

**********

ظلمه والهنـــدس هـنادس یاجهه

عن سبب غیبک اناشـــــد یاجهه

نور وجـــــهک یا ابوصالح یاجهه

صوب شمس النوگ لو بدر القناة

**********

ظلمة التنـــــــــور جدک واجهـه

یاوجیـــــه او نور وجهک واجهــه

فوگ رمـــح ایزید لاصغر واجهــه

وفوگ نوگ الشام نسوه اموجهـات

***********

للشاعر عبدالهادی الشمّری

قصیده عمودیه { الیوم اکملت لکم دینکم} للشاعر سیدعلوان الخمیسی

«الیوم اکملت لکم دینکم »

 

انته بیدک یاعلی اندار الفلک

 لون ماشخصک خلیفتهم هلک

 

انته سیف الله وسهم حتف الزلم

 انته هزّام العده الماتنهزم

 

انته اسمک لغز واعظم طلسم

 غیر ابن عمک بشر ما مثلک

 

انته انته البردّت نار الخلیل

 انته ماعندک شبیه ولا جبیل

 

انته انته التوگف اعله السلسبیل

 یاوکیل الباری ربک وکلک

 

انته لسلیمان حرکت البساط

 انته بسم الله یا اربع نقاط

 

انته یوم الحشر توگف عل صراط

 اتگلک النار الی هذا او ذاک الک

*******

للشاعر سید علوان الخمیسی

قصیده عمودیه { عجیبه اورود حینه} للشاعر سید علوان الخمیسی

عجیبه اورود حینه الجوری و الیاس

 بعد ما تحله بعیون الیشوفــون

 

اوبیّاع الورد ما یعرف النـاس

 ولا همه الیحبونه و یریـدون

 

طلــعت انه الغلط من  جدمی للراس

 یتهمونی ابعشگ وانواع الجنـون

 

صبحت انه  الغصن الوادم  الفـاس

 شبگه ابحالی و علیه الفاس مسنون

 

اثاری هل بشر انواع واجناس

 جنس طیّب جنس بلوانه مزیـون

 

یکرهونی لان ما دنگ الـراس

 ولا خلی الدمع یلعب بلعیــون

 

یریــــدونی اذلّن گوم الارجـاس

 او یکتبون اعله گبری المات ملعــون

*********

للشاعر سید علوان الخمیسی

قصیده هجری { اگبلت زینب لخوها اتناشده } للشاعر المرحوم ملا صالح العبادی

اگبلت زینب لخوها اتناشده او تخـفی الشجه 

نور عینی  یبو  الیمه  کافلی  شو  ما اجه

...................................

گال ابو اسکینه یزینب والدمع هل ونحدر  

راحت ایمینی او شمالی او گوتی او ظهری انکسر

او جمع شملی او حیلتی او شیّال حملی لو کثر 

 احزام ظهری  راح  یختی  مایجی  گطعی  الرجه

.......................

نادته  چاوین   طایح   گال  یم  المشرعـــه  

 گالت   الواجب   یخویه  نعتنی  له  انودعه

لیش   ما  جبته  یروحی  للخیام  اتنوعه  

بلچی انداوی   اجروحه  او سهم  عینه انعالجه

........................

 صاح یختی او سال دمعه آل جمعچ للشتات   

مایفید اعلاج خویه او لادوه عگب الممات

فضخو الهامه او چفوفه اتگطّعت یم الفرات   

غدر دهری ابعمد بیتی اومن اسهامه مانجه

..........................

صاحت او جذبت الحسره والگلب منها التوه

چان راح الی کفلنی راح من عینی الضوه

حیف بالله الگمر من برجه عله الرمضه هوه   

کافلی او سور الیتامه غاب وظلم الدّجه

..............................

نادته یا ابو الیّمه انچان ابوفاضل گضه  

 اشلون ما جبته یخویه للطناب انغمّضه

گال یختی ردت اشیله وعتذرلی او لارضه

 او جذب ونّه او فارگ الدنیه او للجنه التجه

..........................

صرخت او نادت یخویه انچان مات ابطیـحـته

وین رمحه او وّین سیفه یاعزیزی او رایته

من اخذ درعه او جوده یبو الیمه او لامته

 گوم خویه انشیعه او جسمه ابچفنه ندرجه

................

الشاعر  المرحوم الملا صالح العبادی

المصدر دیوان سعادةُ الدارین

 

 

 

قصیده فی رثاء امیرالمومنین ع {حیف یا سیف النبی بحروبه}للعلامه الشیخ عبدالعظیم الربیعی

حیف یا سیف النبی بحروبه

بالمهنّد   هامتک    مـضروبه

*******

حیف یا سیف النبی إبّیوم الحرب

راسک ابسیف المرادی ینضرب

کمر وجهک بالدما چی ینحجب

والشمس  لجلک غدت محجوبه

*********

یا علی منته الذی تفری الصفوف

إبسیفک اوتسجی العده چوس الحتوف

وإتخضب وجه الارض من دمّ الألوف

اشلون من دمک غدت مخضوبه

**********

اشلون وانتهفارس احنین او بدر

ایفوت دمک عند ابن ملجم هدر

إعیون الاملاک إبحزن فگدک حمر

والتعازی      بالسّمه      منصوبه

*********

ما تدیر العین لحسین او حسن

إعیئنهم تسچب مثل صب المزن

ما تشوف امخدراتک   حوّمن

او من نواعیها الارض مگلوبه

*******

امخدراتک لفت لیک امن الخدر

او چبد زینب لیک یتوجر جمر

یا علی  مفگود  ویّک  الصبر

او مهجتی ابنار الصبر ملهوبه

********

یا علی مخضوب وجهک بالنجیع

او من ونینک بالمهد شاب الرضیع

الف وسفه من عگب عینک نضیع

او تدری بیّه امخدره او محجوبه

*******

لا  یزینب مو  وکتهه  ضیعتچ

عامره کلها  عمامچ   وخوتچ

ودّعچ  عودچ  الشبله  ضنوتچ

فوگ   راسچ   رایته  منصوبه

******

آه لاچن ضعتی یومٍ الطفوف

شفتی بو فاضل اموزع بالسیوف

الهامه مفضوخه او مگطوعه الچفوف

آه   والعین  ابسهم   مصیوبه

*********

للشاعر العلامه الراحل شیخ عبدالعظیم الربیعی

موال الفیحاء مخاطبة امام الزمان عج یحتوِی 25 بیت {الشاعر سید موسی السید جابر الموسوی}

طالت لیالی الهجر یالمهدی یمته تمر

بغیاب شخصک ترا دنیانه بینه تمر

ناس الحشف سیدی گلنه علیهم تمر

رادونه بمحبتک ننکث عهدنه ونخل

غربیل صار الوکت وبهوده بینه نخل

ویاک نبگه ابد وانموت موتت نخل

ولو جار بینه الوکت ونعیش عیشت کرب

انصیح انته الولی بسما  نعدک  کرب

یمّار دین النبی یل مهدی وحنه الکرب

وهنیاله کلمن  الک لاح ابنظر طرفا

ولّی  علینه   إعتده   بمهندک   طرفا

اجذوع یبگا النخل لو  ماستر  طرفا

بُعدک صعب سیدی  ذاب المحب گلبا

وسطول اهل الظلم إبعمق البحر گلبا

اتموت النخل سیدی لو ماتت الگلبا

غرگان بمحبتک غیرک فلا لی ولف

شخص الیعوکس خسر بیکم یمهدی ولف

کومت کرب کل جذع ذاک الیضدکم ولف

ونخیل عمری یبس لا ثمره لا شوکله

کلمن نصدله اجتهد یعمل علی شاکله

الربی آنه   ارجعت   وابدمعتی   شاکله

ودم الشهید  السبط بعده یمهدی رطب

ونته طبیب العلل والعلتی محّد رطب

ابگاع الزچیه الشمر چا بعده یاکل رطب

یمته تهز رایتک او للثار یمته تمر

********/**

للشاعر سید موسی السید جابر الموسوی

قصیده الذی ابکت کل مهاجرین الگصبه{ ها یگصبه اشلون ضکّاچ الزمان} للشاعر جعفر عبدالمهدی العبادی

*احبچ یاعروس الشط*

*القصیده تحتوی علی تسعین بیت*

*نبذه مختصره عن الگصبة الفیحاء*

*بقلم جعفر عبدالمهدی العبادی*

 

ها یگصبه اشلون ضکاچ الزمان

طشراحبابچ او شملچ کل مکان

 

طشر احبابچ  یعـزّتـنه الحرب

کلهه هامت سکنت ادیار الغرب

والخصم عیّد او طگ بیهه طرب

وانتی طمعت بیچ انواع السنان

 

طمعت انواع السنان  العزتچ

نهبوا إمیاهچ او نشفت نخلتچ

ضنّوا اتموتین تسقط هیبتچ

وانتی  اُم الأدباء ابکل  زمان

 

انتی ام  الأُدبا  صوتچ  رعید

اُم ابن مذخور عیسانه الشهید

منهو مثلچ بألوِلِد هالگد سعید

یا بلد مثلچ غدت مرفوعه شان

 

یا  بلد مثلچ حوّت   عبدالعظیم

شاعر اهل البیت علّامه او فهیم

وانتی احملتی او طلگتی ابهالوسیم

یعجز الوصفچ  مدایح کل لسان

 

یعجز الوصفچ  أوصّف  یا عَمد

وانتی  الأبنچ   إجه الخوئی  شِهد

میرزا أحمد گولی چم عام إجتهد

رفعی راسچ گولی چم عالِم حِسان

 

رفعی  راسچ  واحچی لمحمد تقی

لو  مُحمّد  صالح     البّر   النقی

وإبذِکِر   ساده   الأماجد   دققی

هاجروا منچ وکت  راح  الأمان

 

هاجروا منچ دگولی  إشچم  أدیب

وأدری  إبچیتی عله افراگ الحبیب

بِشری هم تحیین شمسچ ما تغیب

خل  اگلچ  عالمضوا  واحد  وثان

 

الصالح الملا العبادی أبعث سلام

شاعر اهل البیت فارس بالکلام

مات بعمیدیه راح الهه الوسام

بعد إخبرچ عن  نموذج من هذان

 

ملا عباس الادیب الناصری

لو علی البحرانی شاعر حیدری

وأحچی عن سید علی بی مفخری

و اذکر  البحرانی نجم المکیان

 

واذکر الطود الفخر والچن وتاد

هاشمی اوریحانی ای سید جواد

وإبنه کاظم شاعر اعلیه اعتماد

اوعدنه نور الدین ملا الکرزکان

 

او سید الموهوب یا عبدالصمد

شاعر او حچّای شنسولف بعد

موسی السید ترا شبل الأسد

شاعر ابن الشاعراو یحوی هتان

 

هذه ابو موسی الاسد بی وصفیت

جابر السید صالح او عنّه اشحچیت

شعره شامخ لون من عنده قریت

یشبه البرحیّت اهلی او سعمران

 

وإمحمد السید یشاعر للحسین

یا شهید المنبر  ابیوم الثنین

او عمّه المرحوم عجلان الحنین

شعره یُقراء عالمنابر چالأذان

 

او عن إبو شحچی شسولف دوره

عبدالصاحب السید طفه نوره

او خلّد اوسامه لهالی الکوره

الوعده نرجع، یاوکت، بس کون أتان

 

یرجع العملاق والیکتب جدید

والأمیر اعله الأبوذیه اوقصید

سید طالب العبود للگصبه عمید

من تهجّر راح وأسکن هندجان

 

اوملا عمران الخطیب البی فخر

شعره یسطع واحله من نور الگمر

صیته بالعالم یگصبتنه إنتشر

والفخر والصیت راح العبدان

 

أذکر المهوال  شاعرنه  إلعلی

هذه ابو جعفر یگصبه الفیصلی

صوته لأهل البیت دایم معتلی

ساکن ابکنگون وأبعد ماهو هان

 

او سید المحبوب حچّای ارتجال

أعنی علوان الخمیسی ابهالمجال

او عدنه هادی الشمّری شعره زلال

اصفه من مای العذب والزمزمان

 

واذکُر  الاستاد  شاعرنه  الکبیر

من نطق بشعاره نصفن بی نحیر

یا عروس الشط احبچ بیچ أسیر

شاعر الگصبه  عزیز  البهرکان

 

ها، یه أُم شط الکرم مدّه  او ثـبُـر

والنخل شامخ او ینطینه التمر

گضّت اهلی اسنین واطوال العمر

عاشت اهلیّه او محلهم  بالجنان

 

عاشت أهلیه  فلا  بیهم  غبی

حطوا إمجالس عله الراحت سبی

أو عالشهیده فاطمه بنت النبی

شعب واحد شیعه مابیهم خیّان

 

اعتذر  والله ثمّ   آنه    أعتذر

ماجبت  کثرة  رجال  أبهالشعر

جعفرإعبادی حفیدچ  یفتخر

دیرت الرئفه او محنّه اویه الحنان

 

ها یگصبه اشلون ضکاچ الزمان

طشراحبابچ او شملچ کل مکان

خادم خدام العتره ع

جعفر عبدالمهدی العبادی