قصیده عمودیه { غزوة الخندق ،وگف نبض الگلوب} للشاعر ابو جعفر الفیصلی

 ((وبلغت القلوب الحناجر))

 

وگف نبض الگلوب ابصدر کل مهوال

بوجوه الزلم الوان تتغیر

 

شنهوالصارماندری اشحصل للگوم

ها چنهه الفوارس خایفه وتستر

 

های الزلم چنهه املبده واتخاف

چنه الموت نازل اظن واتصور

 

های الحادثه منقوله بلتاریخ

ابیوم الاحزاب اشصار بلعسکر

 

ابهذاک الیوم ناده وصرخ بین الگوم

وین اهیه الفوارس عمرو من ثغبر

 

وهای الناس سکته وما حصل نبراس

وبس طه یحشم صاعد المنبر

 

یاهو الیبرز العمرو یصیح ابصوت

واضمنله الجنان ویشرب الکوثر

 

ضلت کلهه سکته لن اجاله الصوت

عد عیناک طه وبرز المشکر

 

انه الهه یگله وصاح ابوالحسنین

زمجر بلمعاره امدرعم الهزبر

 

صول راعی الغیره وفزع هادود

وذوالفقاربیده امفرع وغبر

 

تلاگو بلمعاره امگابل الفرسان

بن ود هل الطرف وابهل طرف حیدر

 

یگله ارجع اعرفنک شدیدالباس

ابوطالب صدیقی ودوم بیه افخر

 

ماریدن اچتلک انته بعدک شاب

خل غیرک یجیلی الغیرک اتنطر

 

هزالحیدحیدرمرهفه ابیمناه

چنه الیث مغضب من یهدیزئر

 

انته ارجع یگله ولوتجی ویای

ولو تنزل تحارب کون اطرک طر

 

تلاگوبسیوف وغبره صار الکون

مثل طوفان یمکن ریح گام احمر

 

امکاسر بلرماح وسیف یردم سیف

وابوالحسنین بیهه ایجول ضل یفتر

 

ساعه وشاف طه الحید جایب راس

نزل فرحان سـبّح لله وکبر

 

للشاعر المهوال ابوجعفرالفیصلی

 

قصیده عمودیه {طبع بینه الوفه } للشاعر عبدالودود زعلان طویریش القصباوی

طبع بینه الوفه ما نعرف نخون

ولا ندور مصالح وی الاحباب

احنه الطیب کله وچفنه ماعون

نوفی وما نزل وی احله الاصحاب

انظحی للصدیق الگلبه شفاف

ومن یجبل علینه صدورنه الباب

یا محله النخل بحجار ضربوه

ومن یغضب یشمر احله الارطاب

مثل مای الفرات نظل شکر دوم

ولابینه رذیل وطبعه ینعاب

احنه اهل العرب للنخوه والزود

اذا ینصاب الشهم  الگصبه تنصاب

نغم نبقه وعشگ ویه الیحبون

ومر حنظل اذا مر بینه (وهاب)

 

عبدالودود زعلان طویرش القصباوی المهجّر لقطر

ابوذیات عشره من علی الحگ الی ودرایه للشاعر رئوف خرسان الفضلی

ابوذیات عشره{ علی الحگ، وعبره،ویهلاک، ونامن،بشاره ، خلافه،فرضنا،بیه الم ، وداوی،وآله ،ودرایه}

یمنکس رایت الباطل علئ الحگ

علی العالم ولعارف علی الحگ

گصد سلمان اینادی  علی الحگ

اسلام ابخطر یا حامی الحمیه

*********/**

الک بگلوبنه  حسره وعبره

دروس اجیالنه للحر وعبره

شفیع انه سفینتنه  وعبره

ابیوم الحشر یبن الزچیه

*******/***

یل گضیت العمرناصح ویهلاک

موش  اثنین فد واحد  ویهلاک

خصمک لا تضن غالب ویهلاک

ابسبب اهلک بشربونه المنیه

***********//**

امان  الخو  الأخته  ونامن

بضلاله  چنت  اقفه ونامن

الأخت بلاخو مهیوبه ونامن

اخت عباس لیث الغاضریه

*********/**

اهنی وابارک لکم مولد التقیه ع

من الصادق الا موسى بشاره

اخت الرضا نفس الرضا بشاره

الیگصد  الهه  تگضیله  بشاره

الحاجه وطیب العله التقیه

********///**

امر  اوحئ من الباری خلافه

خلف بعد النبی الهادی خلافه

علی باب العلم لایغ لل خلافه

امأید مذهبه  رب البریه

*******/****

فرض أفرض  إله الباری فرضا

واجب حب علی یشبه فرضا

المحب  الله  إرتضا عنه فرضا

سعد وبتشر بلجنه الهنیه

***********/**

الم وصه من وصیه بیه الم

ارفضو  وگلوبهم   بیه الم

بلسقیفه ابلیسهم بیهم الم

البیعه انکروهه ولوصیه

***********//**

یا روحی زیدى ابحبهم واودی

حبهم  فرض  من  الله  واؤدی

یلى اگصدت حضرتهم واودی

سلامی اعله الطهر خیرالبریه

*********//**

العلم ولفهم عدهم ودرایه

الاه الکون   الهم   ودرایه

للمبعوث اوحه   وده رایه

علی حجه بعد طه اخیه

***********/***

انه حربن لمن حاربه واله

خادم محب لل کرار واله

ربنه لل  لذی والاه واله

علی مولای دنیه واخریه

**********/**

موال { مؤلمه و حجه} للشاعر رئوف خرسان الفضلی

نهنی ونبارک لکم میلاد الامام الرضا علیه السلام

یاگلبی  حبل  الوصل  بلی  تحب  مؤله

ولی  یضد  أل النبی  هذة  الگلب مؤله

ابهجه اوسرور اصبحت هنینه لل  مؤله

فرحانه  شیعت  علی  ألهه  انولد  حجه

الی  یطب   حضرته   نایل   الف  حجه

دستور  ربنه   الرضا  وعله الخلگ حجه

ضامن کریم ال العبه ولی لجئ مئوله

*********

للشاعر رئوف خرسان الفضلی

احدی عشر ابوذیه من منهدیّه الی ضمها للشاعر سید طالب السید عبود الموسوی

احدی عشرابوذیه{ منهدیّه،عمّلیمه، مثلل،ویمّه ،خدرتنی، وصفه ،چفی،ینعاه، علمسناه، نعشهم،ضمها}

فی حق کریمة اهل البیت (س)

سفیـر الشـوگ لــینه منهدیّه

اوخصومچ لزم ناخذ منهدیّه

ابحیره اشـراح اقـدّم منهدیّه

لبوچ ابمـولـدچ هــای المسیه

**********//**

فی حق کریمة اهل البیت (س)

الجمر الشوگ اجینه عَمّلینه

اورَوض ازهار لجلچ عَمّلینه

ساده  احنه ونعــدًچ عَمّلینه

یالفضلچ شبه  فضل الزچیه

*************/*

 (سیدی متی ترانا ونراک؟)

جرح الگلب بالاشواگ مثلل

احبهم والزمان ابغیض مثلل

اعـدّن طلعـة المـنتظر مثلل

ضوا (ابلیّا) الدنیه اتضیج بیه

************//***

شیعی وابقی شیعی واموت شیعی وافتخر

ابجاه اللّی  رُسُل  باعث وَیِمّه

اکظ هرش الخصم عازم وَیِمّه

لبو الحسنین ارید  اگصد وَیَمّه

الف یالیـــــــــت تلـفینی المنیه

*************//**

لسان حال السیده رقیه (س)

انه  اخــــدور   الهواشم خَدّرتنی

او وسفه اسیاط خصمی خَدّرتنی

ابوی حسین بالطف خَدّه ریتنی

عَمــــیه اولا نظرته اعلی الوطیه

***********/***

 (آه منّچ یدنیای)

یدنــیه للــدِلال ابحِــــقِد چفّی

اوعن وجهی بعید ارجوچ چِفّی

الگَبل چان ایتـمنٓه ایبوس چفّی

رفعتـیه اوغدیَ ایفـیّـــس علیه

**********/**

شیعی وابقی شیعی واموت شیعی وافتخر

علی چَن عَسجد المنظوم وصفه

ومع النکروه عیب انسجم وصفه

محبته الاصــعب  الاسقام وصفه

وذچــره ایداوی امــــراض الخفیه

*************/***

لسان حال العقیله (س)

ثِــمـار الحــــزن بالــدلال ینعاه

وجسمی غدی من الآهات ینعاه

اخوی حسیـن صار العرش ینعاه

من طحنت اضلوعه خیول امیه

**********

لسان حال العقیله (س)

الضیغم  کفل خدری عَلمَسَنّاه

اوسیفه ابروس امیّه عَلمَسَنّاه

لَمّــن صابـو  الجــِربه عَلمسَنّاه

وگع، لَن یستحی ایعاود لخیّه

**********/**

 (فی فقد الاحباب)

الناعی  لوعَـلیَ  احبـابی نعشهم

بعـد  یـنفـع    وبالحسـره نعشهم

متت من  شافت اعیـونی نعشهم

اومعاهم چَن سَریٰ الجنّاز بیّه

************//**

 (فی فقد الاخت الحنونه)

انه  الدنیای  زاید علی ضمها

ونه اگلیبی  کثیر آهات ضمها

أخیتی یاحسافه  اللّحد ضمها

اشکثر   چلـماتها  ایعنّن علیه

************//**

الشاعر سید طالب السید عبود الموسوی

اثنی عشر ابوذیه منمتتلین الی صحنهه للشاعر سید طالب السید عبود الموسوی

اثنی عشر ابوذیه {متتلین،وعگرلها، مشلول،قدسچ،قدسها، تعالن،هلهل،تنهل،طرشان، یارفاقه، منشن، صحنهه}

 

فی حق العقیله (س)

عَدیَ فاطم یبت فاطم متتلین

عفیفه وغیرکتب الهم  متتلین

مریضه اگلوب عدوانچ متتلین

اوترحمچ  یَبِت حمّای  الحمیّه

********/***********

لسان حال العقیله (س) تخاطب قمرالعشیره (س)

روحـــی البیـن کضهـا وعگرلها

اوبِنَه   الآهــات بیــهــا وعگرلها

اخیول اعداک ضَهضُب وعگرلها

یراعی العلم وفنی ارجاس امیّه

*************

فی حق السیده فاطمة المعصومه (س)

جرح البالگلب هالیوم مشلول

اولینه الورد   بالمیلاد مشلول

یمعصومه لون ینخاچ مشلول

ابفرد  نظره   ایتشافه ابلااذیه

*********//****

فی میلاد کریمة اهل البیت (س)

ابمیلاد   الکریمه  الظعن قَدسَچ

وسبایک ذهب بالاشواق قَدسَچ

یَبِت موسی نصیح الیوم قدسچ

امـعــطّر بالـهَـنیَ کل الـــدنیّه

*********

وحگ اللی جعل بمرَه قدسها

عَـــن طرواچ مالحظه قدسها

اگلیبی اخلاقچ الطیبه قدّسها

اوصار اسـمـچ شرف للجعفریه

***********/***

لسان حال العقیله (س)

یعضای اشکثـر بیـچن تعالن

اعدای اصواتهم ضدنه تعالن

یربات الخــدر کلچـــن تعالن

نجیم النایحه احـــذال الشفیه

**********/***

 (اروح فدوه للنشمی)

النشمی العیب دمعه ابعسر هلهل

ایعیّد لو زمــــُــرها ابشرف هلهل

امعرَّب من کـــــلامه ایفوح هلهل

اویطٌُم العایـــزه تحــــت الوطیه

***********/**

 (شیّبنی فعلک یادهر)

لسان حال العقیله (س) تخاطب قمرالعشیره (س)

اجسوم  الحرم   یاعباس تنهل

ومن   بیر الهضایم  غدت تنهل

یالکافل  دموعی   ادموم  تنهل

اونصبنه اعلی الهزل لجلک عزیه

***********/**

 (آخ منک یازمانی)

اللیالی اشکثر لیّه اهموم طرشان

ونه گلبی ابجناح العتب طرشان

الأحبّه لچن هٰذی الناس طرشان

اشمصیحن متت تتضَحوَک علیه

*************/**

فی حق الامام الرضا (س)

الرضا  مایوم  شاهَد یارَفاقه

واذا  هالبین   عمداً   یارفاقه

سعد  حظه  الیزوره  یارفاقه

اویقبّل عِِتبته او یَدّی التحیه

**********//**

 (لکل غیور)

الّدنیه بالحرب کلفه  مِنَشّن

دَعَتنی أضعَف ابهَمها مَنَشّن

عرفت الّزین  بالوادم مَنَشّن

وخاویت الذی یملک حمیّه

*******//**

فی حق کریمة اهل البیت (س)

کریمه ودوم لخصومچ صحنها

وعِلَل  جسمی کراماتچ صحنها

العفیفه  الـّربّی امشرّف صحنها

وملاذ انتی الجمیــــــع الجعفریه

********

الشاعر سید صالب السید عبود الموسوی

ابوذیات عشره تبداء من یوحش الی مخلّیت للشاعر سید طالب السید عبود الموسوی

ابوذیات عشره { یوحش،منوعالی،منّه،عیبملچن، مرصار،دسنه،چفنی،وخدبی،وشتریته،مخلّیت}

لسان حال العلیله (س)

دگطّع     هالگلب   یابین یوحش

شرایینه او وَحی الاحزان یوحش

علیّه  النزل عگب   الاهل یوحش

اومریضه والشماته  اتحیط بیه

*********/*

لسان حال العقیله (س) تخاطب قمرالعشیره (س)

اعتبت لاچن یکافل مَنوَعالی

واصبّر  من  الخدَّر  مَنوَعالی

بعد یرجع شموخی مَنوَعالی

ابوجودک یالوجودک اَمَل لیه

***********/**

لسان حال السیده رقیه (س) تخاطب قمرالعشیره (س}

یراعی    العَلَم  غیرک  بَعَد مَنّه

عفتنه وحَط علینه الخصم مِنّه

جزاک   اللوم    ما    ملّیت مِنّه

لچن   عاگتک   یاوسفه  المنیه

***********/**

یعَمّی     الفکر     منی  عَیبَمَلچَن

وچفوفی الزود خصمی عَیبَمَلچَن

انه   الکافل    خدرچن عیبملچن

لچن  یاحیف  خان   الدهر  بیه

***********/**

 (آه منک یازمانی)

الریجی هالزمان ابحقد مرصار

اوعلَی عین النفاه البین مرصار

احس حتی الهوا یاناس مرصار

اوهندس صارت ابعینی الدنیه

***********/**

لسان حال العقیله (س

یدهر  الشوم تحت الترب دسنه

اولخصومی   ابکثر  لحقاد دسنه

متت من صاحت الارجاس دسنه

ابحـوافر خیـــــــلنه صَـدر الشفیه

***********/*

لسان حال السیده رقیه (س)تخاطب رأس الامام الحسین (س)

زجر  ظعن  الیسر  بویه وخَدبی

وتدری الظیم اجه الگلبی وخَدبی

دشاهد خَد  علیه  دمعی وخَدبی

اثر ضربة خصیمک یاشفیـــــــه

************/**

 

 (سیدی متی ترانا ونراک؟)

چف  مطبوخ  چال البین چَفنی

من اهمومه وعن الاحباب چَفنی

انه  امحضّر  یراعی  الثار چفنی

اوسیفی وانتظر تامــــــر علیـــه

***********//**

(الک یاغیور)

سهم   البین  دسمع   وشتَریته

ابگلب خصمک،لگیته وشتَریته

غرامک بعت  روحی  وشتَریته

وتضل تچایتی ومطبوع   بیّه

********//*********

شیعی وابقی شیعی واموت شیعی وافتخر

علی  ابمنهجک یاضیغم مَخَلّیت

اوعَدیَ   حبّک   ابدلالی  مَخَلّیت

وحقّک  للذی   ایبغضک  مَخَلٓیت

اوشرف  عندی الولایه الحیدریه

******//****

الشاعر سید عبود السید طالب الموسوی

صورة الشاعر ابو جعفر العبادی وشیخ حنش العبادی والشاعر الخطیب ملا عمران العبادی

الاول من الیمین الشاعر ابوجعفر العبادی

والشیخ حنش ابو مهدی العبادی

والشاعر الخطیب ملا عمران العبادی

صورة الشعراء جعفر عبدالمهدی العبادی وسید علوان الخمیسی ومحمد سعید الربعی

الاول  من الیمین جعفر عبدالمهدی العبادی

والثانی سید علوان الخمیسی

والثالث محمد سعید الربیعی

خطباء الگصبه{ نبذه مختصره من حیات المرحوم ملا مجید العطشانی}

هو الخطیب المرحوم ملا مجید بن المرحوم محمود العطشانی

وُلِد فی قضاء القصبه التابعه لجزیرة عبّادان بتاریخ 7ربیع الثانی 1349هـ ق نهر ابوچمبه ولد خطیبنا المترجم له فی اُسرةٌ ثقافیه وعلمیه وعاش تربی وترعرع فی مجالس اهل البیت علیهم السلام و دواوین اهل الادب و العلم .

لمّا بلغ الثمانیة عشر من العمر هاجر الی مدینة المحمّره و درس فی مدرسة دار الخطباء حتی أصبح خطیباً فرجع الی قضاء القصبه لیکون خادماً لاهل البیت علیهم السلام و وله مجالسٌ عدیده حتی بدأ الحرب المفروض وتهجّر الی مدینة هندیجان و بقی فیها حتی توفی بتاریخ 11 ذی القعده 1437هـ ق و أتت له مُحبیه من کل مکان  

 و شُیّع بتشیعٍ قل له النظیر فنقول رحمه الله و ادخله فی جناته.